Il sito ufficiale del Cantastorie

 OTELLO PROFAZIO (mastru cantaturi)

               AMURI AMURI

 Amuri amuri, e chi m’hai fattu fari?…

e m’hai fattu fari ‘na granni pazzia!…

Lu Patri-nostru m’hai fattu scurdàri,

e la megghiu parti di l’Avi-Maria…

E a unni t’haju vista e t’haju amata tantu?…

Pari ca mi facisti la magìa!…

Criscisti comu l’erba di lu campu,

criscisti beddha, per amari a mia…

Prim’era a la me’ casa comu un Santu,

pinsèri ‘nta la testa non avìa…

Ora, picciotta, mi portasti a tantu:

‘nta n’ura moru si non viju a tia!…

E vegnu attornu a tia comu la nebbia,

comu a lu cacciaturi cu la quagghia…

Guarda ‘stu cori comu s’assuttigghia:

comu ferru filatu a la tinagghia..