Associazione  Nazionale Cantastorie

 Il sito ufficiale del Cantastorie

OTELLO PROFAZIO (mastru cantaturi)

           Analfabetismo

chinu d’analfabeti… disperatu;

undi progressu e conquisti sociali

su’ paroli senza significatu!

Ma menu mali chi cci sunnu l’Enti

di solidarietà, e l’Istituzioni…

chi lottanu davèru strenuamenti

per porri fini all’emarginazioni…

Pe’ tali ‘nsinga¹  perciò ‘nu cartellu

illustranti la loro iniziativa,

‘mpicciaru ² in piazza… però – chistu è bellu! –

nuddhu in paisi lèggiri sapìva!…

Perchì, comu vi dissi… a Cippindali

analfabeti sunnu tutti pari;

ma chiamàru, e ‘rrivàu Mastru Pascali…

l’unicu chi sapiva sillabbari!

-          Cippindalisi, vi lèggiu chi dici:

LO-TTA FE-RO-CI  ALL’A-NAL-FA-BE-TI-SMU!-

Sùbitu un gravi silenziu si fici…

poi Mastru Cola rumpìu lu mutismu:

- Allura ‘u pisci di la testa feti!

Chi m’hannu focu… e ci vegna ‘na botta³!

Non ci basta chi simu analfabeti…

Ora ndi vonnu fari puru ‘a lotta!…-

1       A dimostrazione, come segnale d’intesa

2       Appiccicarono

     3   Colpo apoplettico