  |
Il sito ufficiale del Cantastorie OTELLO PROFAZIO (mastru cantaturi) |
|
|
Il sito ufficiale del Cantastorie OTELLO PROFAZIO (mastru cantaturi) |
| TESTI |
|
la leggenda di Colapesce
La genti lu chiamava Colapisci perchì stava nt’a mari comu un pisci… D’undi veniva non sapìa nessunu: forsi era figghiu di lu diu Nettunu!... Un jornu a Cola ‘u re faci chiamari… E Cola di lu mari curri e veni… “O Cola, lu mè regnu ha’ scandagghiari… Supra a chi pedamentu si susteni!... “Colapisci, curri e và!” “Vaju e tornu, Maistà!” Cussì si jetta a mari Colapisci, e sutta a l’undi subitu sparisci… Ma dopu un pocu chista novità a lu regnanti Colapisci dà: “Maistà, li terri vostri stannu supra a tri pilastri… E lu fatu è assai tremendu: unu già si sta rumpendu!” “O destinu mèu infelici! Chi sventura mi predici! Chiangi ‘u Re – comu haju a fari? Sulu tu mi pôi sarvari!” “Colapisci, curri e và!” “Vaju e tornu, Maistà!” Su passati tanti jorna… Colapisci non ritorna… E l’aspettanu ‘a marina lu regnati e la regina… Poi si senti la so vuci di lu mari in superfici: “Maistà… Maistà!... Sugnu ccà… Sugnu ccà!... Nta lu fundu di lu mari… Chi non pozzu cchiù tornari… Vui pregati la Madonna… Staju reggendo la colonna… Ca sinnò si spezzerà e ‘a Sicilia sparirà!... Su passati ormai tant’anni: Colapisci è sempri ddhà!... “Maistà… Maistà!... Sugnu ccà… Sugnu ccà!... “Maistà… Maistà!... Sugnu ccà… Sugnu ccà!...
|
