Associazione  Nazionale Cantastorie

 Il sito ufficiale del Cantastorie

OTELLO PROFAZIO (mastru cantaturi)

                 Pane e lavoro

Ddui o tri migghiara di disoccupati

si dèttiru convegnu a piazza Danti,

a undi lu Ministru d’u Lavuru

aviva a fari un comiziu importanti.

C’eranu tutti… Prefettu e Questuri,

Sindacu e Consiglieri comunali,

Circoscrizioni, Provincia e Regiuni…

e i Sindacati, comu è naturali.

‘Ttaccàu a parrari cu’ foga e viguri

‘u Ministru, sparandu prospettivi

d’impiegu pe’ lu prossimu futuru

e illustrandu proposti ed incentivi...

Cunvintu d’a bontà ‘ill’affermazioni,

Mastru Titu gridàu:<< Pani e lavuru

volìmu nui, onorevoli Ministru…

lavuru e pani p’o nostru futuru!>>.

Ma ‘a bucca cci stuppàu Mastru Gilormu:

<<Hai la tistazza cchiù dura d’un muru!

Sèntimi a mia… Cèrcacci sulu ‘u pani…

Chi smovi? Lassa fùttiri ‘u lavuru!>>.